Bugun Farg'ona neftni qayta ishlash zavodiga Germaniyaning O'zbekistondagi favqulodda va muxtor elchisi Tilo Kliner tashrif buyurdi. Mehmon va unga hamrohlik qilayotgan delegatsiya a'zolarini zavod rahbariyati kutib oldi.
Mehmonlarning tashrifi AVT-2 va GDS qurilmalariga tashrif bilan boshlandi.
Janob elchiga zavod faoliyati, uning iqtisodiy va sarmoyaviy salohiyati, oxirgi ikki yilda amalga oshirilgan islohotlar, modernizatsiya jarayonlari va xorijiy kompaniyalar bilan hamkorlik samaradorligi, yangi turdagi mahsulotlar va ularning xalqaro standartlarga muvofiqligi haqida xabar berildi.
Germaniyaning O'zbekistondagi favqulodda va muxtor elchisi Tilo Kliner zavodni modernizatsiya qilish, shuningdek, mahsulot turi va sifati, eksport salohiyatiga qiziqish bildirdi. U bu sa'y -harakatlar va maqsadli loyihalar yaqin kelajakda O'zbekiston neftni qayta ishlash zavodi va neft sanoatining rivojlanishiga xizmat qilishiga ishonch bildirdi.
Farg'ona neftni qayta ishlash zavodiga tashrifi chog'ida elchi zavodining ishlab chiqarish faoliyati bilan tanishish imkoniyati uchun korxona rahbariyat va mutaxassislariga o'z minnatdorchiligini bildirdi.
FNQIZ matbuot xizmati.
